Villa 18 on Gordonia

Gastehuis

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 12:00
Adres: Gordonialaan 18, Reebok, 6503, Wes-Kaap
Vanaf R6 900 per nag (plek vir 8)

Beskrywing

Villa 18 on Gordonia is 'n onlangs opgeknapte dubbelverdiepingvilla wat 'n uitsonderlike ervaring en moderne toestelle en geriewe in 'n pragtige omgewing bied. Die villa verseker 'n onvergeetlike ervaring en is op die wêreldbekende Tuinroete, een van Suid-Afrika se mees gesogte bestemmings, geleë.

Die villa bied slaapplek aan 8 gaste en beskik oor 4 slaapkamers en 4,5 badkamers. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en 'n toilet. Die res van die slaapkamers het elk 'n koningingrootte-bed en 'n en suite-badkamer met 'n stort. Daar is ook 'n gastetoilet. Linne en handdoeke word voorsien.

Die kombuis is met 'n yskas-vrieskas, stoof, oond, lugbraaier, mikrogolf, eetgerei, breekware en tee- en koffiemaakgeriewe toegerus. 'n Skottelgoedwasser, wasmasjien en 'n tuimeldroër is ook beskikbaar. Die villa spog met 'n eetarea en sitareas met gemaklike sitplek, 'n TV en 'n kaggel. Gratis WiFi is ook beskikbaar.

Die villa bied ruim leefareas binne en buite en is ideaal om groot groepe en families te akkommodeer. Privaat balkonne in 2 van die boonste slaapkamers bied asemrowende see-uitsigte wat tot by Mosselbaai strek. Die groot houtdek het 'n versonke plonspoel en sonstoele en daar is 'n versorgde tuin.

Veilige parkeerplek is vir 2 voertuie beskikbaar en gratis vuurmaakhout word voorsien. Die villa spog ook met 24-uur-sekuriteit en geslotekringtelevisiekameras.

Kry ’n Kwotasie