Beskrywing

Lourier Plesier bied heerlike oornagverblyf met 'n privaat ingang op die eienaar se eiendom wat in die hartjie van Stilbaai-Wes geleë is. Dit is 'n wonderlike opsie vir gaste wat die area en die skilderagtige Tuinroete wil verken.

Dié woonstel met lugversorging het gemaklike slaapplek vir 2 gaste op 'n slag en beskik oor 'n oopplan-ontwerp. Dit is ingerig met 2 enkelbeddens wat op versoek saamgeskuif kan word. 'n Stort, wasbak en toilet is in die en suite-badkamer beskikbaar. Kwaliteit linne en badhanddoeke word voorsien.

Hierdie eenheid het ook 'n kombuis wat toegerus is met 'n induksieplaat, mikrogolf, yskas-vrieskas, eetgerei en breekware asook tee- en koffiemaakgeriewe. Daar is ook 'n etenstafel waar gaste hul maaltye saam kan geniet. Vir gaste se vermaak is gratis WiFi en 'n TV beskikbaar.

Die ligging van hierdie eiendom is ongeveer 3 km vanaf strande, riviere, natuurreservate, winkels, restaurante en 'n gholfbaan. Gaste kry veilige parkeerplek op die perseel.