Annie's

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Proteastraat 10, Struisbaai, Overberg, 7285, Wes-Kaap
Vanaf R1 000 per nag, vir 4 mense

Beskrywing

Annie's is 'n woonstel met een slaapkamer, 'n leefarea en badkamer, geskik vir 'n paartjie of 'n gesin van tot 4 mense, in 'n besonderse groot tuin, slegs 500m vanaf die swemstrand en 200m vanaf die winkels en restaurante.

Annie se woonstel is deel van 3 eenhede (Annies, Fagans en Erika) op privaat eiendom. Die eenhede word apart verhuur, maar kan ook in geheel verhuur word. Elke eenheid is selfstandig, en Annies het 'n onderdakstoep met sy eie braai op wiele sodat jy dit kan skuif na enige deel van die tuin wat jy wil. Laer af in die tuin is nog 'n braaiplek onder die bome.

Die dubbelslaapkamer het 'n dubbelbed, en die leefarea het 2 enkelbed-divans, wat jou rusbanke bedags en beddens snags is, wat dit ideaal maak vir 'n paartjie, of 'n gesin van tot 4 mense.

Die kombuisarea vorm deel van die leefarea en het 'n yskas/vries-kombinasie, 'n tweeplaatstoof en oond, 'n mikrogolfoond, 'n ketel en broodrooster, en al die toebehore wat jy nodig mag hê. Daar is ook koffie, tee, suiker, sout en peper, sonligvloeistof, en 'n houer met beskuit.

Die TV is aan 'n skottel gekoppel en het 'n OVHD-dekodeerder. Gaste kan hul eie dekodeerder saambring om DStv te kyk.

Daar is ook vinnige onbeperkte vesel-Wi-Fi sowel as 'n UPS om Wi-Fi tydens beurtkrag te verseker.

Die badkamer het 'n toilet, wasbak en stort. Toiletpapier en vloeibare seep word voorsien.

Die groot fynbostuin gee 'n rustige atmosfeer, is ideaal vir voëlkyk en om met die natuur te skakel. Sommige dele van die tuin het beperkte see-uitsigte, en jy kan die see goed hoor, veral in die nag.

Kry ’n Kwotasie