5 Key Largo

Selfsorg

Kapasiteit: 5 persone
Alle ouderdomme is welkom
Inkloktyd: 14:00 tot 17:00
Uitkloktyd: 09:00
Adres: Tophamstraat 5, Doonside, Amanzimtoti, 4125, KwaZulu-Natal
Vanaf R980 per nag (plek vir 5)

Beskrywing

5 Key Largo is 'n selfsorgwoonstel op die onderste verdieping in 'n veilige oordstyl-kompleks in Kingsburgh, aan die Suidkus. Die eenheid het 'n pragtige see uitsig beskikbaar.

Die eenheid het 2 slaapkamers en het slaapplek vir 3 volwassenes en 2 kinders onder 16 jaar. Die eenheid is nie geskik vir 5 volwassenes nie.

Daar is 'n oopplan-leefarea en -kombuis, asook onderdakparkeerplek. Die hoofslaapkamer het 'n dubbelbed, ingeboude kaste en 'n en suite-badkamer met 'n bad. Die tweede slaapkamer het 'n dubbelbed, ingeboude kaste en 'n aparte badkamer met 'n stort. Linne en bad handdoeke word voorsien. Gaste moet hul eie swem handoeke saambring. Beide slaapkamers het dak waaiers beskikbaar.

Die kombuis is toegerus met 'n yskas-vrieskas, 'n stoof, oond, mikrogolfoond, ketel en kookgerei. Ander geriewe sluit in lugversorging in leefarea en n Smart TV met Wifi. Gaste moet hul eie inteken besonderhede saambring vir Netflix en om DStv Stream te gebruik.

Daar is 'n swembad, tennisbaan en wasgoedgeriewe in die kompleks.

Vir gaste se gerief is daar braai geriewe reg langs die eenheid beskikbaar.

Die eenheid word as 'n geheel uitverhuur en kamers kan nie afsonderlik bespreek word nie. Die eenheid word ook bestuur en skoongemaak deur die eienaar wat net 10 minute van die eenheid af woon. Gaste word met in- en uitklok deur die eienaar verwelkom en afgesien.

Die kompleks bied direkte toegang tot die strand en gaste kan swem, duik, branderplankry en vlieërbranderry in die area.

Let asb. daarop dat die beheerliggaam se reëls ten alle tye gehoorsaam moet word en dat daar onder geen omstandighede meer as 5 gaste, insluitend volwassenes, kinders en babas, toegelaat word nie. Indien die reëls nie nagekom word nie sal uitsetting sonder terugbetaling geskied.

Troeteldiere word nie in die kompleks toegelaat nie. Gaste word vriendelik versoek om ander inwoners in die kompleks in ag te neem.