Geverifieerde Resensie
Memel
Al die resensies is deur LekkeSlaap-gaste geskryf wat in Memel bespreek het
Hierdie plek het 'n gemiddeld van 4.4 uit 5 gekry volgens 20 resensies.
"Dit moes 'n lieflike dorpie gewees het van ouds. Soos al die plattelandse plekkies is daar verval, maar ons het gegaan vir die kerkbasaar en wat 'n fees! Fantastiese mense, fantastiese kos en die omgewing is 'n lushof vir enige fotograaf! Dankie Memel!"
"Memel is 'n bitter klein dorpie met 'n massiewe groot en warm hart. Die natuurskoon rondom Memel is iets wat 'n mens moet aanskou en ervaar."
"Memel is die moeite werd om te besoek. Jy kan in die straat stap, het veilig gevoel. Baie mooi plattelandse dorp."
"Die paaie in die dorp is uiters sleg, veral as mens met 'n karavaan daar ry."
"Of jy met 'n motorfiets ry of 'n voertuig, jy sal Memel as 'n baie lekker plek kan vind om te oornag of vir 'n ruk te bly, die grondpaaie in die omgewing lei na die pragtigste passe en plekke om te sien."
"As jy wil rus en die stilte van 'n plattelandse dorpie ervaar, reis na Memel vir 'n naweek. Pragtige omgewing."
"Absolute rustigheid plaasatmosfeer om daar te ervaar. Naby aan die natuur en vriendelike mense wat daar bly."
"Ek geniet die stilte, die berge, die natuurskoon. Die dorpie het ongelukkig nie meer ordentlike winkels nie en ook nie 'n bank nie, maar die slaghuise is puik!"
"Memel is 'n mooi dorpie, daar is 'n rustigheid en 'n stilte wat mens kan geniet en waarna die stadsmens verlang. Daar is staproetes en ook die vleilande wat jy kan besoek met baie voëls om te sien. In die omgewing is baie interessante plekke soos bv. Verkykerskop met oudhede van jare gelede. "