Beskrywing

Silver Stream Studio is in Hazeldean, Pretoria geleë en bied gehalte en veilige verblyf vir paartjies of sakereisigers. Dit is binne maklike bereik van talle winkels, restaurante, doendinge, besienswaardighede en trou-venues.

Die landgoed se sekuriteit is topgehalte en dit bied ook 'n pragtige ontspanningsarea met 'n dam, groen grasperke en kinderspeelplek.

Die ateljee beskik oor 'n dubbelbed en 'n slaapbank, 'n stort in die kamer en 'n aparte toilet en wasbak. Linne en handdoeke word voorsien vir gaste se gerief.

Die kombuisie het 'n mikrogolfoond, 'n yskassie, koffie- en teemaakgeriewe, breekware en eetgerei. Koffie, tee en beskuit word voorsien.

Die ateljee het 'n TV met 'n Netflix-intekening asook komplimentêre WiFi vir gaste om vir besigheid of vermaak te gebruik.

Die kamer loop uit op 'n privaat balkon waar gaste hul koffie of 'n skemerkelkie kan geniet.

Die ateljee is op 'n residensiële eiendom geleë, maar is toeganklik deur 'n privaat deur vanaf die straat via 'n wenteltrap.

Gaste kry veilige parkeerplek op die perseel.