Colesview Guest House

Gastehuis

Gratis kansellasie tot 1 week voor jou verblyf!
Kapasiteit: 23 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Torenbergstraat 37, Colesberg, 9795, Noord-Kaap
Vanaf R940 per nag, vir 2 mense
TGCSA-gradering:

Beskrywing

Jou gasheer en -vrou, Alex en Rene Dumas, verwelkom jou graag by Colesview Guest House waar jou gemak en tevredenheid ons prioriteit is. Die gastehuis is in die dorp Colesberg geleë, 'n oase in die Karoo, en die perfekte halfpadmerk. Ons is gerieflik in die boonste deel van die dorp geleë, net 1 km vanaf die N1-hoofweg in 'n stil, residensiële area - net die resep vir 'n goeie nagrus op die langpad.

Ons kan 25 mense akkommodeer in 8 stylvolle, goed toegeruste kamers. Die kamers het aparte ingange en bied slaapplek vir 2 tot 6 mense elk, almal met en suite-badkamers (elk met 'n bad, stort of beide). Die kamers is goed toegerus met dubbelbeddens of 2 enkelbeddens. Hulle spog met gemaklike matrasse, skoon linne, plafonwaaiers, lugversorging, verwarmers, TV's met DStv, elektriese komberse in die winter, yskaste, kluise, mikrogolfoonde, broodroosters, basiese eetgerei en breekware en tee- en koffiemaakgeriewe. Bababeddens, haardroërs en ekstra matrasse is almal beskikbaar op versoek.

Die tarief sluit 'n kontinentale ontbyt met graanpap, jogurt, vrugte, muffins, vrugtesap, kaas, brood en smere in.

Daar is 'n TV-kamer waarin jy kan ontspan na 'n lang dag op die pad, 'n kristalhelder swembad waarin jy kan afkoel en 'n braai-area waar jy 'n vleisie oor die kole kan gooi of in die vakansie-bui kan kom. Ons het veilige, onderdakparkeerplek wat kan toesluit. Daar is ook oorgenoeg plek in die yskas-vrieskas vir jou proviand.

Kry ’n Kwotasie