61 Lutie Katz

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Geldig vir verblyf vanaf 26 Feb 2025 tot 30 Nov 2025.

Kapasiteit: 6 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Lutie Katz-weg 61, Yzerfontein, 7351, Wes-Kaap
Vanaf ~~R2 500~~ R2 250 per nag (plek vir 6)

Beskrywing

61 Lutie Katz is 'n ongekunstelde grasdakkothuis en gesinsvakansiehuis met 'n ongelooflike uitsig oor Dasseneiland.

Die 3 ruim slaapkamers is oor 2 verdiepings versprei, met 2 kamers bo en 1 kamer onder, en het genoeg slaapplek vir 6 mense op 2 dubbel- en 4 enkelbeddens. Beddegoed (duvets en verekussings) van goeie gehalte is ingesluit in die prys. Die huis het 2 badkamers waarvan 1 en suite is en die ander badkamers is vir gaste in die ander slaapkamers. Albei badkamers het storte en nie baddens nie.

Die oopplan-kombuis is met 'n stoof, mikrogolfoond, skottelgoedwasser en wasmasjien toegerus. Daar is 'n beskutte braaikamer, asook braaigeriewe buite en die sit- of eetkamer het 'n koolstofie vir gesellige wintersaande om die kaggel. Daar is 'n 40"-TV met die volle DStv-pakket, WiFi en 'n DVD-speler.

Die huis is 50 m vanaf die see, 400 m vanaf Yzerfontein se South Beach en 1,8 km vanaf die 16 Myl-strand. Die visvanghawe is 800 m ver, al langs die kuspaadjie en 1,7 km ver as jy met ’n voertuig ry.

Let asb. dat daar 'n paar trappe van die straat na die huis lei. Die meeste gaste waardeer die pragtige uitsig, maar dit is nie geskik vir gaste wat sukkel om te loop of trappe te klim nie. Die selfoonsein in Yzerfontein is baie goed, maar die huis self lê in 'n dooie kol met baie swak selfoonsein.

Kry ’n Kwotasie