Whispering Hope Gasteplaas

Selfsorg

Kapasiteit: 16 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Langs die R398, Cypherwater Plaas, Richmond, 7090, Noord-Kaap
Vanaf R840 per nag, vir 2 mense

Beskrywing

Whispering Hope Gasteplaas bied ontspannende selfsorgverblyf op 'n plaas in die Karoo, 40 km vanaf Richmond in die Noord-Kaap.

Verblyf is beskikbaar in die ruim Hoofplaashuis vir 8 of die Plaaskothuis vir 6. Die Hoofplaashuis beskik oor 4 slaapkamers met dubbel- en enkelbeddens. Die kamers deel 2 badkamers met 'n bad of stort. Die kombuis is volledig toegerus vir selfsorg en die huis lei na 'n stoep met 'n pragtige uitsig oor die omgewing.

Die Plaaskothuis beskik oor 3 slaapkamers. Een kamer het 'n dubbelbed en die ander twee kamers het altwee, twee enkelbeddens. Die kamers deel die gebruik van 'n badkamer met 'n bad. Die kombuis is volledig toegerus vir selfsorg, en die sitkamer het 'n kaggel. Troeteldiere is welkom, indien vooraf gereël.

Gaste is welkom om die plaas op hulle eie te verken, in die dam af te koel, of om saam met die eienaars deel te neem aan plaas aktiwiteite bv. diere voer, saam ry veld toe, ens. Die plaas is 7000 Ha, met baie ruimte vir stap en fietsry, asook verskeie plekke vir skemerkelkies of 'n braai in die veld. Die "quaint" dorpie Nieu Bethesda is 70km van die plaas af, perfek vir 'n lekker uitstappie. Vir diegene wat avontuurlustig voel is daar Kompasberg, die hoogste piek buite die Stormberg-Drakensberg reeks. Die berg is omring met pragtige natuurskoon en is net 66km van die plaas af.

Die plaas bied stilte, rustigheid en 'n vrede wat jy net in die Karoo kan ervaar.

Kry ’n Kwotasie