Beskrywing

Sea Breeze No. 3 is 'n selfsorgwoonstel in Lambertsbaai, 'n rustige vissersdorpie aan die Weskus, sowat 2,5 uur se ry vanaf Kaapstad. Die eenheid is in 'n kompleks met ander eenhede geleë.

Dié woonstel op die grondvloer bied slaapplek aan 5 gaste in 2 slaapkamers met 'n dubbelbed elk en 1 enkelbed in die oopplan-leefarea. Die badkamer is toegerus met 'n stort, wasbak en toilet.

Die woonstel beskik ook oor 'n oopplan-kombuis en -sitarea. Die kombuisarea is goed toegerus vir selfsorg en beskik oor 'n tweeplaatstoof, yskas-vrieskas en mikrogolf. Daar is ook 'n ontbyttoonbank met 4 stoele. Die sitarea bied gemaklike sitplek, binnebraaigeriewe en TV met sekere plaaslike kanale.

Die woonstel is ideaal geleë binne 'n kort afstand vanaf die strand, plaaslike winkels en restaurante.