Beskrywing

Rust en Vrede is in Malmesbury geleë en bied gehalteverblyf, ideaal geskik vir 'n paartjie of 'n sakereisiger. Malmesbury is in die hartjie van die Swartland Wynroete, omring deur pragtige bergreekse en koringlande. Die woonstel is sentraal geleë en naby talle winkels en restaurante.

Die oopplan-selfsorg-eenheid beskik oor 'n dubbelbed en 'n aparte badkamer met 'n stort, toilet en wasbak. Skoon handdoeke en linne word voorsien.

Die kombuis is toegerus met alles wat gaste benodig, insluitend 'n induksieplaatstoof, mikrogolfoond, yskassie, koffie- en teemaakgeriewe, breekware en eetgerei.

Die volledige DStv-pakket en vesel-WiFi is beskikbaar.

Kaapstad se V&A Waterfront is 60 kilometer weg, die wingerde van die Paarl en die Afrikaanse Taalmonument is net 45 kilometer weg. Die dorpie Morreesburg en die naaste strand is albei 45 kilometer van die eenheid af.