Beskrywing

Selfsorgwoonstel met privaat ingang en 'n lieflike en suite-dubbelkamer. Enkelbed in die sitkamer. Ons voorsien beddegoed en handdoeke. Die kombuis is toegerus met 'n klein elektriese stoof, mikrogolf, yskas en voldoende eetgerei, breekware en kombuisware. Plaasstyl-etes word op versoek bedien. Wasgoed op afspraak. DStv en gratis WiFi. Braaigeriewe asook vuurmaakhout beskikbaar.

Ouplaas Winkel is 10 km weg vir petrol en ander nodige voorraad. Ons is 15 km vanaf die hoofhek van De Hoop Natuurreservaat.

Vergesel Niel en ervaar die lewe op 'n werkende koring-, skaap-, volstruis- en melkplaas. Vir voëlliefhebbers is daar 'n kort roete met 'n voëlskuiltjie reg op die plaas.

Verken De Hoop en neem deel aan die aktiwiteite wat die streek bied soos walviskyk, voetslaan, snorkel, wildkyk en voëlkyk.