Kumbagana Game Lodge

Selfsorg

Spesiale Aanbod 15% af

Kry 15% af (minimum twee nagte se verblyf). Geldig vir verblyf vanaf 26 Feb 2025 tot 30 Apr 2025.

Kapasiteit: 40 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Erfdeel 120 Kromrivier, Plaas 347, Rustenburg, 0300, Noordwes
Vanaf R980 per nag (plek vir 4)

Beskrywing

Kumbagana Game Lodge is 'n lodge wat in privaat besit is en 'n rustige wegbreek en noue ontmoetings met die natuur bied. Kumbagana beteken ''plek in die son'' en dié lodge is vernoem na die mooi sonsondergange wat hier gesien kan word. Kom en geniet die vrede en vryheid van die Magaliesberge.

Verblyf is beskikbaar in 10 oopplan-houtchalets wat elk geskik is vir 4 gaste. Elke chalet het 2 enkelbeddens wat in 'n koninggrootte-bed omskep kan word, asook 'n stapelbed. Die badkamer in elke chalet het 'n stort, toilet en wasbak. Elke chalet het ook 'n kombuisie wat met 'n yskassie, tweeplaatstoof, oond, mikrogolf, eetgerei en breekware toegerus is en verder spog elke chalet met 'n stoep en 'n braai-area met 'n lig.

Daar is 2 swembaddens op die perseel. By dié lodge kan gaste diere soos elande, njalas, koedoes, impalas, blesbokke, hartebeeste, wildebeeste, kameelperde, sebras en sabeldiere sien. Wildritte kan gereël word en daar is 2 natuurroetes op die perseel wat deur die berge en bos loop. Dit is goed gemerk.

Kumbagana Game Lodge het 'n konferensiesentrum wat gebruik kan word vir opleiding en konferensies. Dit is geskik vir 80 afgevaardigdes. Die lodge het ook trougeriewe wat vir 100 gaste geskik is. Daar is 2 venues, een binne en die ander 'n pragtige, groot boma buite. 'n Volledige gelisensieerde kontantkroeg en -restaurant is beskikbaar slegs vir funksies.

Kry ’n Kwotasie