Isola Bella

Gastehuis

Kapasiteit: 8 persone
Geen kinders onder 2
Inkloktyd: 16:00 tot 19:00
Uitkloktyd: 10:00
Adres: 21 Hart Pad, , Knysna, 6571, Wes-Kaap
Vanaf R1 400 per nag (plek vir 2)

Beskrywing

Isola Bella se Italiaanssprekende gasvrou, Marissa, sien daarna uit om jou hartlik te verwelkom! Hierdie luukse villa is geleë op Leisure Isle, teen die water en het 'n lieflike uitsig oor Knysna se strandmeer. Die strand is letterlik op jou drumpel en jy kan rustig staan en kyk hoe die gety verander soos wat dit deur die Knysna Koppe vloei.

Sogno, Acqua en Luce is 3 pragtig gemeubeleerde kamers waarin gaste luuks en gerieflik kan tuisgaan. Elkeen van die kamers front noord en het 'n en suite-badkamer. Lo Studio is 'n selfsorg-eenheid met 'n volledig toegeruste kombuis, dubbelbed, HD platskerm-TV (met satelliet-koppeling) en 'n aparte badkamer met 'n ruim stort, toilet en wasbak.

Leisure Isle is 'n klein eilandjie in die middel van Knysna se reuse strandmeer. Hierdie eiland se ligging is ideaal vir avontuurlustige besoekers en vakansiegangers wat net 'n bietjie wil ontspan. Doendinge: visvang, stap, gholf, bospaadjies, branderplankry en swem! Gaste kan gerus ook 'n draai gaan maak by al die interessante winkeltjies en nabygeleë restaurante wat voorsiening maak vir 'n groot verskeidenheid kulinêre voorkeure.

Kry ’n Kwotasie