Gratitude

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Blue Bay 221, Suiderstrand, 7287, Wes-Kaap
Vanaf R5 045 per nag (plek vir 6)

Beskrywing

Gratitude is 'n lieflike seefront-dubbelverdiepinghuis in die pragtige Blue Bay Natuurreservaat in Suiderstrand. Die huis word deur Kaapse fynbos en oorvloedige fauna en flora omring, spog met 'n panoramiese see-uitsig en is net 2 km vanaf die plek waar die Atlantiese en Indiese Oseaan mekaar ontmoet.

Die huis bied slaapplek aan 6 gaste en beskik oor 3 en suite-slaapkamers. Elke slaapkamer het 'n koningingrootte-bed, ingeboude kaste en 'n paneelverwarmer teen die muur. Elke badkamer het 'n ruim stort, toilet en 'n wasbak.

Die huis beskik oor 'n kombuis wat met 'n gasstoof, oond, mikrogolf, ketel, broodrooster, yskas-vrieskas, skottelgoedwasser en 'n toonbank met stoele toegerus is. Die sit- en eetarea het oorgenoeg gemaklike sitplek, 'n see-uitsig, kaggel, TV en 'n braai. Gratis WiFi word ook voorsien.

Die leefarea lei na 'n dek met 'n pragtige uitsig oor die Atlantiese Oseaan. Daar is ook 'n stoep met 'n ingeboude braai en sitplek. Parkeerplek is in 'n ruim outomatiese enkelmotorhuis met 'n wasmasjien en kaste beskikbaar. Die huis het 12 sonpanele met 2 rugsteunbatterye en 'n sekuriteitstelsel wat uit 6 kameras, laserstraalsekuriteit en deursigtige diefwering bestaan.

Kry ’n Kwotasie