Gaya's Garden

Beskrywing

Gaya's Garden bied gerieflike verblyf in 'n selfsorgwoonstel op 'n residensiële eiendom waar die eienaar woon. Die eiendom is in Gordonsbaai geleë, teen die berghang wat oor die Helderberge uitkyk, en is 'n kort entjie se ry vanaf die hoofstrand.

Die woonstel het slaapplek vir 2 volwassenes en 'n kleuter. Dit beskik oor 'n slaapkamer met 'n koningingrootte-bed, 'n bed vir 'n kleuter en 'n en suite-badkamer met 'n stort. Beddegoed en badhanddoeke word voorsien. Die leefarea beskik oor 'n volledig toegeruste, oopplan-kombuisie, -eetarea en -sitarea met WiFi-toegang en 'n slim-TV met Netflix. Daar is 'n gerieflike kantoorhoekie met 'n kantoorlessenaar vir diegene wat moet werk. Die kombuisie is toegerus vir selfsorg met 'n yskas, 'n oond en stoof, en 'n mikrogolfoond.

Gaya's Garden is 'n troeteldierparadys met 'n omheinde tuin en speelarea. Troeteldierverblyf kan met die eienaar gereël word.

Die woonstel het sy eie privaat ingang en 'n pragtige inheemse tuin wat oor die Helderberge uitkyk. Gaste het toegang tot veilige parkeerplek van die straat af agter afstandbeheerhekke. Die eiendom is veilig en verbind met Gordonsbaai se gewapende reaksie.

Doendinge in die omgewing sluit visvang, fietsry, wynproe, bergfietsry, voetslaan en swem in. Geriewe in die omgewing sluit Gordon's Bay Mall, verskeie winkelsentrums, interessante kuriowinkels en restaurante in Beachweg, en die ou hawe in.