Flamingo Beach

Selfsorg

Soos Gesien op Instagram
Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 4de Straat 39, Langstrand, 0000, Erongo
Vanaf R9 200 per nag (plek vir 8)

Beskrywing

Flamingo Beach, geleë tussen Swakopmund en Walvisbaai, op Langstrand in Namibië, bied 'n luukse vakansievilla met 'n ononderbroke see-uitsig vanaf die voordek en vanuit verskeie kamers.

Dié pragtige eiendom het slaapplek vir 8 gaste en beskik oor 4 stylvolle slaapkamers en 3 badkamers asook 'n gastetoilet. Die ruim hoofslaapkamer is ingerig met 'n koninggrootte-bed en het toegang tot 'n balkon wat oor die see uitkyk. Daar is 'n ovaalbad, reënstort, dubbelwasbak, verhitte handdoekrelings en 'n toilet in die en suite-hoofbadkamer.

Die tweede slaapkamer bied ook 'n see-uitsig en beskik oor 'n koningingrootte-bed en 'n en suite-badkamer met 'n stort. Die oorblywende 2 slaapkamers het elkeen 'n koningingrootte-bed en privaat balkon en deel die derde badkamer wat met 'n stort en 'n bad toegerus is. Linne en handdoeke word voorsien en al 4 slaapkamers is op die tweede verdieping.

Daar is 'n privaat TV-kamer op die tweede verdieping met oorgenoeg sitplek, asook 'n kombuisie wat toegerus is met 'n mikrogolfoond, ysmasjien, yskas-vrieskas en 'n etenstafel. Die onderste verdieping van die huis het 'n oopplan-uitleg en spog met 'n ontwerperskombuis wat toegerus is met 'n gasstoof, elektriese oond, mikrogolfoond, yskas-vrieskas, koffiemasjien, eetgerei en breekware. Daar is ook 'n ontbytkroeg met stoele. Gratis WiFi is regdeur die huis beskikbaar.

Die kombuis lei na 'n binnebraai met nog 'n etenstafel en klein yskaste, en hierdie spasie lei op sy beurt na 'n sitarea. Stapeldeure bied toegang tot die dek met buitesitplek en trappe na 'n tuintjie en die strand.

Die huis het 'n dubbelmotorhuis wat langs die voordeur in die huis oopmaak.

Kry ’n Kwotasie