Be at Rest Accommodation

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Insignisstraat 4, George, 6530, Wes-Kaap
Vanaf R1 000 per nag (plek vir 2)

Beskrywing

Be at Rest Accommodation bied selfsorgverblyf en is sentraal geleë in George. Die gastehuis is die ideale basis vanwaar jy die verskeie besienswaardighede in en om hierdie deel van die Tuinroete kan verken.

Be at Rest Accommodation bestaan uit 3 individueel versierde kamers en 1 selfsorg-eenheid. Elke kamer het 'n privaat ingang en beskik oor 'n en suite-badkamer met 'n stort, wasbak en toilet, 'n studeerhoekie en 'n platskerm-slim-TV vir mediavermaak. Boonop is die selfsorg-eenheid 'n oopplan-eenheid wat ingerig is met 'n koninggrootte-bed en 'n enkelbed. Dit het 'n en suite-badkamer en kombuisie met basiese toebehore soos 'n yskas, 'n mikrogolfoond, 'n tweeplaatstoof en 'n mini-oond. Die selfsorg-eenheid het ook sy eie privaat ingang.

Gaste wat in die kamers bespreek het toegang tot 'n gedeelde sosiale sitkamer en kombuis wat toegerus is met 'n yskas, 'n mikrogolfoond, 'n induksieplaat en komplimentêre tee- en koffiemaakgeriewe. Gratis onbeperkte WiFi-toegang is beskikbaar, asook veilige parkeerplek op die perseel. Die kamers en die selfsorg-eenheid kan apart bespreek word of die gastehuis kan as 'n geheel bespreek word om altesaam 9 gaste te akkommodeer.

Die pragtige stad George word omring deur die Outeniekwaberge, woude, riviere, oop see en skilderagtige landerye om te besoek. Be at Rest Accommodation is naby winkels, restaurante, gholflandgoedere en ongeveer 8,5 km vanaf George Lughawe geleë.

Kry ’n Kwotasie