Angel Fish Self-catering Accommodation

Selfsorg

Kapasiteit: 2 persone
Geen kinders
Inkloktyd: 15:00 tot 19:00
Uitkloktyd: 10:00
Adres: Somerset-weg 43, Gordonsbaai, 1740, Wes-Kaap
Vanaf R700 per nag (plek vir 2)

Beskrywing

Angel Fish Self-catering Accommodation is 'n volledig gemeubileerde vakansiekothuis op die eienaars se perseel in die hawedorp Gordonsbaai. Die dorp spog met pragtige strande, geniet 'n Mediterreense klimaat en bied die ideale seevakansie.

Dié dubbelverdiepingkothuis is geskik vir 2 gaste en beskik oor 'n slaapkamer op die eerste verdieping. Die slaapkamer word met 'n trap bereik en is ingerig met 'n dubbelbed. Die badkamer is op die grondvloer geleë en het 'n stort, wasbak en toilet.

Die oopplan-kombuis is goed toegerus en sluit 'n yskas-vrieskas, stoof, oond en mikrogolf in. Die leefarea bied 'n etenstafel met sitplek vir 4, TV en 'n knus sitarea. Die eenheid maak oop op 'n onderdakstoep met 'n braai-area en lei na 'n tuintjie. Gaste kry gratis WiFi en parkeerplek op die perseel vir 'n voertuig sowel as 'n klein sleepwa.

Besoekers aan Gordonsbaai kan hulself in die warm sand van die skouspelagtige strande verdiep waar hulle 'n verskeidenheid watersportsoorte soos swem, branderplankry, snorkel, sonbaai, bootvaart en visvang kan geniet.

Kry ’n Kwotasie