Accommodation Unwind

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Caudatastraat 19, Myburgh Park, Langebaan, 7357, Wes-Kaap
Vanaf R800 per nag (plek vir 2)

Beskrywing

Accommodation Unwind is in Langebaan geleë, 4 km vanaf die Weskuspark en 3,5 km vanaf die gewilde Langebaan-strandmeer.

Hierdie pragtige Weskusdorpie bied jou die rustigheid van ongerepte natuur aangesien die Langebaan-strandmeer deel is van die Weskus Nasionale Park, wêreldwyd bekend vir sy voëlkykplekke vir trekvoëls deur die jaar, en die Southern Right-walvisse wat die strandmeer jaarliks besoek tydens die winter en vroeë lente seisoen.

Die akkommodasie bestaan uit 2 woonstelle op die grondvloer, waarvan een 'n knus tweeslaapkamerwoonstel met eie Jacuzzi is, terwyl die ander 'n knus enkelwoonstel is. Eenheid A, die 2-slaapkamerwoonstel met eie Jacuzzi beskik oor 'n koningingrootte-bed in die hoofslaapkamer en 2 enkelbeddens in die tweede slaapkamer. Hierdie kamers deel 'n badkamer. Die woonstel het ook 'n volledig toegeruste kombuis en sitkamer met 'n TV wat DSTV het. Buite is daar 'n patio met 'n Jacuzzi, eet- en braaigeriewe wat oor 'n tuintjie uitkyk.

Eenheid B, die bachelor-woonstel, het 'n oopplan-uitleg met 'n koningingrootte-bed, kombuisie en en suite-badkamer. Geriewe in die kamer sluit 'n TV met DSTV-kanale in. Buite is daar 'n klein patio met braai, tafel en twee stoele.

Veilige parkeerplek op die perseel word voorsien en daar is 'n afstandbeheerde hektoegangstelsel wat gaste gratis toegang 24 uur per dag bied. Daar is ook 'n omskakelaar met sonpanele tydens beurtkrag.

Kry ’n Kwotasie