17onWellington Suites

Selfsorg

Gratis kansellasie tot 1 week voor jou verblyf!
Kapasiteit: 41 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Wellington-straat 17, George, 6530, Wes-Kaap
Vanaf R1 530 per nag, vir 2 mense

Beskrywing

17onWellington Suites is in die hartjie van George, wat halfpad tussen Kaapstad en Gqeberha (Port Elizabeth) op di Tuinroete geleë is. Die eiendom is stapafstand van verskeie uitstekende restaurante en winkels. George is sentraal op die Tuinroete wat dit die perfekte stopplek maak wanneer gaste bestemmings soos Knysna, Mosselbaai en Oudtshoorn wil verken.

Verblyf is beskikbaar in 'n Standaard-enkelkamer, 'n Eenslaapkamersuite en 2 Gesinsuites. Die Standaard-enkelkamer is ideaal vir 'n enkelreisiger wat vir 'n kort tydperk bly en het 2 enkelbeddens en 'n en suite-badkamer met 'n instapstort. Verder is daar 'n waaier, verwarmer, platskerm-TV, vesel-WiFi en tee- en koffiemaakgeriewe.

Elk van die suites het 'n platskerm-TV, vesel-WiFi, 'n eetarea, sitarea en 'n kombuisie wat met 'n stoofplaat, mikrogolf, yskas-vrieskas en tee- en koffiemaakgeriewe toegerus is. Gaste het ook toegang tot braaigeriewe en veilige parkeerplek agter 'n afstandbeheerhek.

17onWellington Suites is 10,7 km van George se lughawe af en bied dikwels groot fietsrytoere aan. Dit is ook al vir jare die tuiste van gaste wat reis vir sakedoeleindes en gholf.

Aktiwiteite in die omgewing sluit perdry, branderplankry, visvang, voëlkyk, wynproe, bergfietsry, fietsry, voetslaan, wildritte, swem en tennis in.

Kry ’n Kwotasie