Beskrywing

@ Rest is in Bloemfontein geleë en bied gerieflike oornagverblyf in 'n knus tuinwoonstel met sy eie ingang op die eienaar se eiendom. Dit is 'n ideale opsie vir gaste wat by die Rosepark-hospitaal of die Universiteit van die Vrystaat moet wees.

Dié woonstel het 'n kapasiteit van 2 gaste op 'n slag en beskik oor 'n slaapkamer wat met 'n dubbelbed ingerig is. Hierdie kamer beskik ook oor 'n en suite-badkamer met 'n stort-oor-bad, wasbak en toilet. Bros wit linne, badhanddoeke en seep word voorsien.

Verder is daar 'n leefarea met 'n kombuisie wat 'n tee- en koffieskinkbord met komplimentêre cappuccino-sakkies en tuisgemaakte beskuit het. Van die kombuisie af lei 'n sitkamer met gemaklike sitplek. Toegang tot gratis WiFi is beskikbaar.

Gaste kry veilige parkeerplek op die perseel agter 'n afstandbeheerde hek. Hierdie eiendom het 'n lieflike groen tuin wat 'n ideale plek is vir 'n oggendkoffie.