The Wild Fig Guest House

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: De Vos-straat 5, Kleinmond, 7195, Wes-Kaap
Vanaf R800 per nag, vir 2 mense

Beskrywing

The Wild Fig Guest House is 'n baie besonderse gastehuisie in die besonderse dorpie Kleinmond in die Wes-Kaap. Die pragtige natuurskoon, verskeie besienswaardighede, plattelandse atmosfeer, nabyheid aan die Kaapstad Internasionale Lughawe en heerlike matige klimaat maak Kleinmond voorwaar 'n spesiale plek.

Kleinmond het sy eie klein hawe vir vissersbote en heelwat winkels en eetplekke het onlangs oopgemaak. Dis hiér waar dinge gebeur en waar vakansiegangers 'n hele rits doendinge tydens vakansies kom geniet.

The Wild Fig Guest House is in 'n rustige straat, net een blok vanaf Harbour-weg geleë. Dit bestaan uit 2 eenhede met slaapplek vir altesaam 6 volwassenes en miskien 2 kindertjies.

Ons is net sowat 2 minute se stap na waar die branders teen die rotse breek, óf jy kan 15 minute op 'n plankpaadjie stap na Palmietstrand en die riviermonding van 'n lieflike strandmeer waar jy kan swem of kano vaar. Stroomop is daar selfs piekniekplekke en heerlike diep swemplekke. Jy kan ook 'n fiets huur om die area te verken.

Ons is sowat 5 minute se ry vanaf ons beroemde Blouvlagstrand aan die ander kant van Kleinmond waar daar ook 'n strandmeer is. Hier kan jy kano's huur, op die Botrivier gaan roei en uitkyk vir wilde perde.

Die eienaars, Frank en Mariette Eagar, is albei afgetrede onderwysers en het hulle daartoe verbind om gehalte, bekostigbare verblyf aan vakansiegangers te bied.

Kry ’n Kwotasie