ThE LaZy ShArK

B&B

Kapasiteit: 10 persone
Alle ouderdomme is welkom
Inkloktyd: 13:00 tot 16:00
Uitkloktyd: 10:00
Adres: Egertonstraat 29, Freeland Park, Scottburgh, 4180, KwaZulu-Natal
Vanaf R1 240 per nag, vir 2 mense

Beskrywing

The LaZy ShArK bied B&B en selfsorgverblyf in Freeland Park, Scottburgh aan die suidkus van KwaZulu-Natal. Die eiendom het 'n rustige tuin wat oomblikke van stil refleksie toelaat, en natuurliefhebbers sal die voëllewe en welige omgewing waardeer. Geniet skemerkelkies saam met vriende en familie op die stoep, jou eie balkon of sit bloot onder die Afrika-sterre en ontspan.

The LaZy SharK is die ideale basis vanwaar jy die omliggende area kan verken. Daar is kilometers ongerepte wit sandstrande, wonderlike skubaduik en pragtige gholfbane. Geniet skouspelagtige sonsondergange en onvergeetlike uitsigte oor die Indiese Oseaan.

Verblyf word gebied in 4 gastekamers en 'n selfsorgkothuis, naamlik The Great White Studio, Whale and Tiger Shark Rooms, Hammerhead Shark Room, en Raggies Selfsorgkothuis. Al 4 kamers en die kothuis kan eksklusief saam verhuur word vir groepe van tot 10 gaste.

Elkeen van die gastekamers is toegerus met 'n TV met 'n verskeidenheid DStv-kanale, 'n kluis vir waardevolle besittings, 'n waaier of lugversorging, gratis WiFi, 'n haardroër, 'n yskassie en tee- en koffiemaakgeriewe. Badhanddoeke, linne en stortjel word voorsien.

Die Raggies Selfsorgkothuis het sy eie goed toegeruste kombuis, sitarea, patio en 'n braai-area.

THE LaZy SharK het 'n lieflike swembad en sonstoele, 'n ingeboude kroeg en pooltafel, 'n biblioteek en 'n onderdakstoep met buite-eetmeubels en sitplek.

Kry ’n Kwotasie