Shades of Provence

Gastehuis

Soos Gesien op Instagram
Kapasiteit: 16 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Fonteinstraat 24b, Riebeek-Kasteel, 7307, Wes-Kaap
Vanaf R950 per nag, vir 2 mense

Beskrywing

Shades of Provence is in die hartjie van die poskaartmooi Riebeek-Kasteel weggesteek en dit bied selfsorgverblyf in 'n lieflike gastehuis wat die gevoel van die Riebeekvallei perfek vasvang.

Die gastehuis bied verblyf in 6 en suite-slaapkamers wat individueel of as 'n geheel bespreek kan word. Die huis kan ook in 2 ewebeeld-eenhede gedeel word. Vier van die kamers beskik oor 'n groot bad en stort en die ander 2 kamers het net 'n stort. Lavender Fields het 'n gesogte spa-bad. Die kamers word daagliks skoongemaak. Elke kamer beskik oor lugversorging, 'n slim-TV met sekere stroomdienste insluitend Netflix en tee- en koffiemaakgeriewe. Gratis WiFi is regdeur die huis beskikbaar.

Daar is 2 goed toegeruste kombuise en 2 leefareas met 'n kaggel in elk. Die huis het ook 'n swembad vir warm somersdae.

Die gastehuis is met 'n omsetter toegerus wat gaste in staat stel om die TV's, WiFi en alle ligte in en om die huis tydens beurtkrag te gebruik. Om gaste se veiligheid te verseker, is daar 'n elektriese heining wat die perseel omring, laserstraalsekuriteit, kameras en 'n alarmstelsel. Veilige parkeerplek is op die perseel beskikbaar.

Geniet ontbyt by een van die vele goeie restaurante in die dorp. Gaste kan ook uitsien na die mooi platteland, ongelooflike kos en uitstekende wyn uit die vallei.

Kry ’n Kwotasie