Raapfontein Self-catering and Camp

Selfsorg

Gratis kansellasie tot 24 uur voor jou verblyf!
Kapasiteit: 30 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Raapfontein Plaas, Langs die R389, Hanover, 7005, Noord-Kaap
Vanaf R400 per nag, vir 2 mense

Beskrywing

Raapfontein Selfsorg is op 'n plaas net 17 km vanaf Hanover geleë en bied verblyf met lieflike uitsigte oor die Karoo.

Die dubbelverdiepinghuis beskik oor 2 slaapkamers en 'n badkamer. Die kamer op die grondvloer is ingerig met 'n dubbelbed asook 2 enkelbeddens. Die kamer op die boonste verdieping is ook ingerig met 'n dubbelbed en 2 enkelbeddens. Die kamers deel die gebruik van 'n badkamer met 'n stort, asook 'n aparte toilet op die tweede verdieping.

Die oopplan-leefarea bestaan uit 'n kombuis wat toegerus is met 'n yskas, 'n tweeplaatstoof, oond en mikrogolfoond, 'n eetarea en 'n sitkamer. Onderdakbraaigeriewe is beskikbaar, asook onderdakparkeerplek.

Raapfontein Kampplek is groot genoeg om 4 groepe van 4 mense per staanplek te akkommodeer. Slaan jou eie kamp op onder die volwasse bome en geniet die sterre saans langs jou kampvuur.

Die ablusie het twee stortkamers en twee aparte toilette asook 'n oop opwasarea. Daar is 'n wasarea wat oor die karoovlakte uitkyk. 'n Gasgeiser verskaf warm water en daar is Eskom-elektrisiteit.

Saffier is 'n toegeruste selfsorgwoonwa met 'n privaat stoep, opwasarea en braai. Die karavaan het 'n 2-plaat gasstoof en gas yskas.

Daar is 2 dubbelbeddens en 2 volwassenes en 2 kinders of 3 volwassenes kan gemaklik hier slaap.

Gaste wat hier slaap deel die ablusie met die kampplek. Indien privaat ablusie verkies word, kan dit vooraf aangevra word teen 'n ekstra koste, onderhewig aan beskikbaarheid.

Kry ’n Kwotasie