Ons Wegkruip Plekkie @ Leeupoort

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Vingerpolpaadjie, Leeupoort Vakansiedorp, 0486, Limpopo
Vanaf R1 000 per nag (plek vir 6)

Beskrywing

Ons Wegkruip Plekkie @ Leeupoort is in Leeupoort Vakansiedorp geleë wat die hele jaar 'n matige tot warm klimaat geniet en ideaal is vir gesinne of groepe gaste wat natuurlewe geniet en lief is vir die bos. Hierdie eenheid is voorwaar 'n juweel in die Bosveld!

Die moderne vakansiehuis bied 3 slaapkamers en bied slaapplek aan 6 gaste. Die hoofslaapkamer is ingerig met 'n koningingrootte-bed en en suite-badkamer. Die tweede badkamer het 'n bad, stort en toilet. Die tweede slaapkamer het 2 enkelbeddens en die derde slaapkamer is ingerig met 'n dubbelbed.

Die oopplan-kombuis is toegerus vir selfsorg met 'n gasstoof, oond, mikrogolfoond, yskas, diepvrieskas asook 'n skottelgoedwasser. Etes kan by die etenstafel geniet word en gaste kan ontspan in die sitkamer wat 'n TV het en OVHD-dekodeerder (Geen DStv) is beskikbaar. Die eenheid spog ook met 2 leefareas wat gaste kan benut. Daar is 'n onderdak buite vuurput vir braai en kuier. Die huis is toegerus met voorafbetaalde lugversorging en plafonwaaiers om gaste koel te hou. Daar is ook 'n plonspoel vir gebruik deur slegs Ons Wegkruip Plekkie @ Leeupoort se gaste.

Daar is 'n restaurant, winkel, drankwinkel en 3 verskillende swembaddens op die perseel. Leeupoort Vakansiedorp bied 'n verskeidenheid uitkykpunte oor die Waterberge, 4x4, stap- en fietsryroetes, asook piekniekplekke en poele. Besoekers het gratis toegang tot die reservaat wat ons ons eie "Kruger" noem. Die reservaat huisves 50 soogdierspesies, 170 voëlspesies en 114 boomspesies. Hulle loop in die strate rond en wei tussen die huise. ’n Verskeidenheid wild kan gesien word soos vlakvarke, sebras, kameelperde, koedoes, blouwildebeeste en meer.

Ons Wegkruip Plekkie @ Leeupoort is op die R516 en ons is 172 km vanaf Pretoria, 90 km vanaf Brits, 72 km vanaf Bela Bela (Warmbad) en 50 km vanaf Thabazimbi in Limpopo.

Kry ’n Kwotasie