On the Beach

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Mtunzi Park 31, Bermuda-weg 26, Scottburgh-Suid, 4180, KwaZulu-Natal
Vanaf R1 150 per nag (plek vir 4)

Beskrywing

On the Beach bied gerieflike verblyf in 'n selfsorg-dorpshuis wat met 'n strandtema versier is. Die dorpshuis is in die gewilde vakansiekompleks Mtunzini Park wat reg op die strand in Scottburgh-Suid geleë is.

Die dorpshuis bied slaapplek aan 4 gaste en beskik oor 2 slaapkamers, 'n badkamer met 'n stort, toilet en 'n wasbak en 'n aparte gastetoilet. Die eerste slaapkamer het 'n koningingrootte-bed en die tweede slaapkamer het 2 enkelbeddens.

Die oopplan-kombuis is met 'n yskas, oond, stoof en 'n mikrogolfoond toegerus. Daar is 'n tweede yskas in die motorhuis. Die oopplan-sitarea het skuifdeure wat op die onderdakstoep met stoepmeubels, 'n privaat braai en 'n privaat tuin oopmaak.

Daar is ook 'n slim-TV met DStv, Netflix en Showmax en optiesevesel-internet is beskikbaar. Badhanddoeke word voorsien en gaste moet hul eie swemhanddoeke saambring. Die dorpshuis het 'n ingeslote binnehof, 'n elektriese motorhuis en parkeerplek vir nog 'n voertuig.

Daar is 'n paadjie na die onderkant van die tuin en dan is dit 'n entjie se stap na die strand. Dis 'n lekker stil strand met rotspoele en visvanggeleenthede.

Die kompleks het 'n groot gemeenskaplike swembad en braai-area en daar is ook 'n gemeenskaplike wassery.

Kry ’n Kwotasie