Ladybird Guest House

Gastehuis

Gratis kansellasie tot 24 uur voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Landstraat, Gino's Park, Clarens, 9707, Vrystaat
Vanaf R2 720 per nag, vir 6 mense

Beskrywing

Ladybird Guest House is in 'n veilige kompleks in Clarens, 'n klein dorp aan die voetheuwels van die Malutiberge in die Vrystaat. Dié huis is die ideale ligging vir gaste wat op soek is na 'n rustige wegbreek.

Die huis bied slaapplek aan 6 volwassenes en beskik oor 3 slaapkamers en 2 badkamers. Die hoofslaapkamer het 'n koninggrootte-bed en die ander 2 slaapkamers het elkeen 'n koningingrootte-bed. Elke badkamer het 'n bad en 'n stort.

Die leefarea het 'n kombuis, sitarea en eetarea. Die kombuis is met 'n yskas, stoof, oond, skottelgoedwasser, wasmasjien, ketel en broodrooster toegerus. Die sitarea het 'n sitkamerstel, TV en 'n kaggel. Gratis WiFi is beskikbaar. Daar is ook 'n omsetter wat krag aan die ligte en muurproppe tydens beurtkrag voorsien. Die agterstoep het 'n houtbraai en die voorstoep het 'n gasbraai. Daar is ook baie spasie vir kinders om te speel en fiets te ry.

Gaste kan witwatervlotvaart, perdry, vierwielmotorfietsry, voetslaan, tennis en muurbal speel, forelvisvang, kunsklasse neem, gholf speel, abseil, bergroetes verken, wyn- en kaasproë geniet en natuurreservate besoek. Alle nodige inligting rakende bogenoemde aktiwiteite kan by die inligtingskantoor in Clarens gekry word.

Kry ’n Kwotasie