Beskrywing

Karoo Bederf bied selfsorgverblyf in die Klein Karoo-dorpie Oudtshoorn. Die dorp is naby George en Mosselbaai geleë.

Die verblyf beskik oor 3 slaapkamers, 2 badkamers, 'n kombuis en leefarea. Die hoofslaapkamer met lugversorging het 'n koningingrootte-bed. Die oorblywende kamers het elkeen 'n dubbelbed. Die eerste badkamer is en suite en het 'n stort, terwyl die tweede badkamer gedeel word en toegerus is met 'n bad en stort.

Die kombuis is volledig toegerus met 'n yskas, stoof, oond, mikrogolfoond en kooktoebehore. Bykomende geriewe sluit 'n TV, DStv, braai-area, lugversorging in die sitkamer asook 'n kaggel en onderdakparkeerplek in.
Wifi is beskikbaar.

Nabygeleë besienswaardighede sluit Kangogrotte, Gamkaberg Natuurreservaat, Oudtshoorn Gholfklub, Cango Volstruisskouplaas, Cango Wildlife Ranch en staproetes in.