Griet se Plek

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Hillcrest-laan 6, Uvongo, 4270, KwaZulu-Natal
Vanaf R650 per nag (plek vir 5)

Beskrywing

Griet se Plek is 'n bekoorlike vakansiehuis wat 2 selfsorgwoonstelle binne 5 minute se ry vanaf die strand bied en daar is lieflike roetes langs die strand.

Gaste het 'n keuse om in die woonstel op die eerste verdieping of die woonstel op die grondvloer te bly. Elkeen van die woonstelle het 2 slaapkamers wat ingerig is met 'n dubbelbed en 2 enkelbeddens; linne en handdoeke word vir gerief voorsien.

Elke eenheid beskik oor 'n kombuis wat toegerus is vir selfsorg met 'n stoof en oond asook 'n yskas. Gaste kan ontspan in die sitkamer wat 'n TV het. DStv Easy View is beskikbaar en gaste is welkom om hul eie dekodeerder en slimkaart saam te bring.

Die leefareas maak oop op patio's met braaigeriewe en geniet 'n lieflike see-uitsig. Veilige parkeerplek is beskikbaar.

Griet se Plek is binne 'n kort entjie se ry vanaf 'n verskeidenheid besienswaardighede geleë. Gaste kan visvang by die gewilde Orange Rocks sowat 300 m verder en doendinge soos gholf, skubaduik, diepseehengel, Uvongo- en St. Michael's-strand geniet, asook verskeie restaurante, fliekteaters en winkelsentrums.

Griet se Plek is ook naby baie besienswaardighede, soos Oribi Gorge, Lake Eland, Waffle House, Mac Banana, Skoenlapper Dome en diere om die kinders te vermaak. Ander aktiwiteite sluit in 'n piesangplaastoer by Riverbend Farm, die krokodil- en reptielplaas, diepseehengel en watersport by St Michaels Skibootklub, koffieplaastoere by Beavers Creek in Port Edward, 12 gholfbane, parkrun vanaf St Michaels Beach op Saterdae, Kwagolo-grotte en vele meer.

Kry ’n Kwotasie