Bokmakierie Villas

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Robert Mugabe-laan 26, Luxury Hill, Windhoek, 0000, Khomas
Vanaf R1 300 per nag (plek vir 2)

Beskrywing

Bokmakierie Villas is luukse selfsorgvilla's, baie sentraal geleë aan die voet van Luxury Hill, in 'n tuin vol voëllewe, en is perfek vir die sakebesoeker sowel as 'n toeris wat 'n safari deur Namibië afskop, of eindig.

Verblyf word gebied in 3 individuele eenhede, Villa 1, Villa 2 en die Luukse Suite, wat elk tussen 2 en 4 gaste kan huisves.

Villa 1 beskik oor 2 slaapkamers en 'n gedeelde badkamer met 'n stort. Daar is 'n oopplan-kombuis en -sitkamer.

Villa 2 beskik oor 'n oopplan-kombuis en -sitkamer, 'n en suite-slaapkamer en 'n privaat tuin met draagbare braaigeriewe.

Die luukse suite het 'n privaat ingang en is ingerig met 'n koninggrootte-bed wat in 2 enkelbeddens omskep kan word. Die en suite-badkamer het 'n stort-oor-bad, wasbak en toilet. Daar is 'n yskassie en tee- en koffiemaakgeriewe.

Elke eenheid het toegang tot gratis WiFi en premium DStv-kanale.

Veilige parkeerplek word voorsien en gaste kan die swembad en die lieflike gemeenskaplike braai-area gebruik.

Bokmakierie Villas is stapafstand vanaf Maerua Mall, 'n Virgin Active Gym, asook verskeie restaurante en bekende winkels geleë. Die eiendom is ook 'n hanetreetjie vanaf besienswaardighede soos die Onafhanklikheidsmuseum, Alte Feste, Tinten Palatz en die Botaniese Tuine.

Die Windhoek Shoulder-veld is net 500 m weg, en die gholfbaan en Eros-lughawe is 5 km se ry weg.

Kry ’n Kwotasie