Lekker woonstel, maar moeilike ligging vir ouer gaste. Hierdie is seker een van die moeiliker resensies wat ek al moes skryf, want amper alles aangaande die eenheid was van gewensde gehalte, maar die klein jakkalsies van die opset van die woonstelle laat ongelukkig veel te wense oor. Die eenheid is baie netjies en goed toegerus, die eenheid was gereeld gediens en ons handdoeke en beddegoed was gereeld verander. Die enigste werklike probleem met die eenheid self is die feit dat die lugverkoeling se kondenseerders op die stoep aangebring is. So indien iemand die lugverkoeling aanskakel, verander die stoep in 'n sauna en maak dit ondraaglik vir enige iemand wat op die stoep wil sit en lees die view geniet, ens. Die eenheid bied ook slaapplek vir 6 gaste, maar 'n eetkamertafel vir slegs 4. Die grootste probleem het ongelukkig nie met die eenheid self te doen nie, maar hoe mens by die eenheid uitkom. Van die parkeerarea tot by die hysbak is 2-3 stelle trappe (afhangende van watter vloer jy op parkeer), en die hysbak het net 3 (vloere) waar hy stilhou. Die eenheid is tussen die 2de en 3de stop, so mens moet kies of jy trappe op of af wil klim tot by die eenheid se vloer. Die hysbak neem ook 'n geruime tydjie om te beweeg en 'n normale rit van grondvloer tot die 3de stop neem sowat 3 minute. Ongelukkig is 2 van ons mede-reisigers al verder gevorder in die lewe, en hierdie scenario het die trippies tussen die woonstel en die motor/strand/restaurante heeltemal versuur. Daar is ook 4 vloere op na die swembad toe. Daar is ook nie enigsins portiere wat mens kan assisteer met bagasie/kruideniersware, ens. nie.