Geverifieerde Resensie
Riversdale
Al die resensies is deur LekkeSlaap-gaste geskryf wat in Riversdale bespreek het
Hierdie plek het 'n gemiddeld van 4.2 uit 5 gekry volgens 178 resensies.
"Oulike dorpie, pragtige outydse geboue. Rustigheid wat 'n mens laat ontspan."
"Ons het die dorp baie geniet. Die ou tronk wat in 'n koffiewinkel omskep is, was 'n heerlike belewenis. Pragtige berge met 'n pas wat prentjiemooi is, sorg vir natuurskoon soos min. Bali Trading is altyd 'n lekker stopplek en daar is iets vir almal in die gesin. Die inkopieplekke soos Spar en die Handelshuis was aangename verassings. Die dorp het alles wat ons nodig gehad het en ons sal graag weer daar tyd spandeer."
"Die dorp het 'n karakter wat mens vinnig opval. Die lewe op 'n Saterdagoggend herinner aan vervloë dae!"
"Lieflike plek, ry gewoonlik net deur op pad Kaap toe. Regtig verbaas met die rustigheid van die omgewing waar ons oorgebly het."
"Baie mooi dorpie. Ons het altyd slegs daar deurgery sonder om te besef hoe groot die dorp werklik is."
"Skoon, gerieflike dorp met vriendelike mense. Huisves Oakdale Landbouskool en die Nasionale Junior 560 Toutrekspan."
"We were visiting family in Stilbaai and only visited Wimpy and Spur while we stayed in Riversdale. We were very surprised at the friendly waitresses and managers at both places. Services in general everywhere was good."
"Die ou tronk is baie interessant asook sleeping beauty op die berg. 'n Netjiese ou dorpie."
"Die padstal net buite Riversdale met die houtitems was baie besonders. Die mense is baie vriendelik - dit het ons laat verlang na 'n tyd toe ons in Laingsburg woonagtig was. Dit is sommer net lekker om die rustige klein dorpie te geniet. Die dorp lyk op die oog af netjies, asof dit gereeld in stand gehou word."